У спадчыну ад продкаў мы атрымалі духоўнае багацце, якім можам ганарыцца, якое, каб захаваць сваю самабытнасць у культурным свеце, павінны зберагчы і перадаць будучым пакаленням. Багацце гэта - народныя святы, абрады,звычаі, і, безумоўна, песні, якіх пакуль  шмат на Воранаўскай зямлі. Аднак носьбіты песень патроху адыходзяць з жыцця, а больш маладыя іх не памятаюць, не зацікаўлены ў вывучэнні народнай скарбніцы.  Таму была арганізавана даследчая, праектная, пазакласная работа па збіранні і вывучэнні мясцовага фальклору, наладжана супрацоўніцтва з кафедрай беларускай філалогіі ГрДзУ імя Я.Купалы.  На матэрыяле сабраных песень напісана шэсць даследчых прац, створаны фальклорны архіў, сабраны метадычныя матэрыялы ў дапамогу настаўнікам. Усе напрацоўкі  ўвайшлі ў электронны вучэбны модуль для сістэмы дадатковай адукацыі.